Geasa lea dát fálaldat
Fálaldat lea dutnje gii leat badjel 18 jagi ja lea seksuálalaš beroštupmi mánáide. Sáhtát leat fuolastuvvan ahte sáhtát illastit mánáid seksuálalaččat. Sáhtát orrut vaikke gos Davvi-Norggas.
Mo sáhttá oažžut dán fálaldaga
Jus háliidat oažžut divššu mis, de it dárbbaš čujuhusa fástadoaktáris. Sáhtát ieš riŋget ja hállat psykologain. Ii leat vuordináigi. Psykologas lea jávohisvuođageasku, ja ii oktage sáhte lohkat mii čuožžu du journálas.
Sáhtát maid anonyman váldit oktavuođa “Gávdno veahkki” bálvalusain nationála čálašanbálvalusa bokte. Jus háliidat diimmu dan maŋŋá, de fertet almmuhit nama ja riegádan- ja persovdnanummara. Dalle it leat šat anonyman.
Mainna sáhttá fálaldat veahkehit
Ságastallanfálaldaga ulbmil lea veahkehit du buoret stivret iežat seksuálalaš jurdagiid, fantasiijaid, dovdduid, ja daguid. Mihttu lea veahkehit du eallit buori eallima.
Psykologat barget vugiid mielde mat leat dárkilit iskojuvvon ja maid mii diehtit doibmet.
Gos sáhtát oažžut fálaldaga
Leat psykologat geat barget SIFER Davvis UNN:s Romssas geat addet ságastallanfálaldaga. Sáhtát geavahit bálvalusa dan bokte ahte boađát min kantuvrraide. Sáhtát maiddái ságastallat telefovnna dahje videočoahkkima bokte.
Maid máksá fálaldat
Fertet máksit dábálaš iežasoasi ságastallamiid ovddas. Juohke ságastallan máksá dál 375 ruvnnu (2021:s). Telefovdna- ja videokonsultašuvnnain lea seamma iežasoassi.
Loga eanet iežasoasi birra Helsenorge.no neahttasiiddus
Dáppe sáhtát váldit minguin oktavuođa
Telefovdna 90 17 88 65 (kl: 09:00-15:00) (dii: 09:00-15:00)
Njuolggoliŋka diŋgot diimmu čálašeapmái
Nationála neahttasiidu: Detfinneshjelp.no