Lekebamse

Gávnnu viehkke

Giehtadallamfálaldahka dunji gænna li sevsalasj himo mánájda.

​Gesi la fálaldahka

Fálaldahka le dunji gut la badjel 18 jage vuoras ja gænna li sevsalasj himo mánájda. Måråsta gus iesj dån máhtá mánájt råhtsatjit? Midjij besa vájku gånnå åro Nuorttalij-Vuonan.

Gåktu fálaldagáv oadtjot

Dån i dárbaha ietjat dåktåra milta mannat åvddål mijá lusi besa. Máhtá iesj riŋŋgut psykolåvgåjn ságastit. Ij la vuorddemájgge. Psykolåvgån la sjávodisvuohtavælggo ja ij aktan ietján besa låhkåt mij duv journálan tjuodtju. 

Máhtá aj válldet aktijvuodav «Gávnnu viehkke» namádis láhkáj nasjåvnålasj tjæhttadievnastusá baktu. Jus maŋŋela sidá tijmav ságastallamij, de hæhttu namáv ja riegádam- ja persåvnnånummarav diededit. De illa desti namádis.

Majna máhttá fálaldahka duv viehkedit

Ságastallamfálaldagá ulmme le dunji vaddet ienep kontrållav ietjat sevsalasj ájádusáj, himoj, dåbdoj ja dagoj badjel. Ulmme le duv viehkedit buorre iellemav viessot. 

Psykolåvgå barggi buoragit gæhttjaluvvam vuogij milta majt diehtep doajmmi.

Gånnå besa fálaldahkaj

Ságastallamfálaldahka fáladuvvá psykolåvgåjs gudi li UNN Tråmså SIFER Nord bargge. Oattjo fálaldagáv fusalasj æjvvalibmen mijá kontåvråjn. Besa aj telefåvnå jali videotjåhkanime baktu ságastit.

Ålov gus máksá fálaldahka?

Hæhttu mákset dábálasj iesjmávsov ságastallamij åvdås. Dat la dálla 375 kråvnå juohkka ságastallama åvdås (jagen 2021). Telefåvnnå- ja videoságastallamij åvdås le aj iesjmákso. 

Lågå ienebut iesjmávso birra dáppe: helsenorge.no

Návti mijáv jåvså

Telefåvnnå 776 27 894 Jali 776 27 891 (kl: 09:00-15:00)

Njuolggasváldas gånnå besa tijmav diŋŋgut tjehta baktu

Nasjåvnålasj næhttabielle: Detfinneshjelp.no​






Fant du det du lette etter?